The New York Times: "Putin “tarixi Rusiya” ərazilərini qaytarmağa çalışır" |
Döyüş birləşmələrində artilleriya qurğularının və çoxsaylı raket sistemlərinin tətbiqinə xüsusi diqqət yetirilir. Hər bir Taktik Batalyon Qrupunda (TBQ) təxminən 18 haubitsa var. Məsələn, ABŞ-da belə silahlar yalnız briqada səviyyəsində mövcuddur,-məqalədə yazılıb.
Müəllif deyir ki, Rusiya-Ukrayna sərhədi yaxınlığında 70-ə qədər TBQ-nin yerləşdirildiyini nəzərə alsaq, müharibə başlanacağı təqdirdə Ukrayna ordusu dərhal öz mövqelərində artilleriya zərbələri görəcək. Bundan sonra isə rus bölmələrinin sürətli irəliləyişi təmin ediləcək.
- Rusiya Quru Qoşunları Baş Qərargah rəisinin müavini, general-mayor Vadim Marusin deyib ki, hədəflərin kəşfiyyatı və artilleriya ekipajlarının hazırlanmasından atəşin başlanmasına qədər olan müddət 10 saniyə çəkir.
Qeyd edək ki, son aylar Rusiya ilə Qərb ölkələri arasında Ukrayna məsələsinə görə gərginlik yaranıb. Bu beynəlxalq hərbi-siyasi gərginliyi "Ukrayna böhranı" da adlandırırlar. NATO və ABŞ rəsmiləri Rusiyanın Ukrayna ilə sərhədə 100 mindən çox qoşun toplamasını Moskvanın qonşusunu işğala hazırlaşması ilə əlaqələndirib. Rusiya rəsmiləri isə silahlı qüvvələrini öz ərazisində yerdəyişmə etmək üçün suveren hüquqa malik olduğunu bəyan edərək bu cür hərbi gedişlərin, heç kimi təhdid etmədiyini söyləyirlər.
ABŞ və bəzi Avropa ölkələri Ukraynada yeni münaqişənin başlanacağı təqdirdə Rusiyanı “görünməmiş sanksiyalarla” hədələyir. Bunun fonunda Şimali Atlantika Alyansı da Şərqi Avropada mövcudluğunu gücləndirir.
Tural Tağıyev
AzVision.az