AzVision.az xəbər verir ki, iclasda çıxış edən Əmək və sosial siyasət komitəsinin sədri Hadı Rəcəbli bildirib ki, fondun büdcədən asılığı ilbəil azalır.

Komitə sədri sədri qeyd edib ki, 2012-ci ildə büdcədən transfert 42% idisə, gələn il 37,4% -ə düşüb:

“Artıq pensiyalarla bağlı hüquqi bazanın dünya təcrübəsinə uyğun olaraq hazırlanması prosesi gedir. Gələn il DSMF 2017-ci ildə gəlirləri 3,4 mlrd. manat təşkil edəcək ki, bu da 2016-ci illə müqayisədə 100 mln. manat çoxdur. Artım əsasən dövlət sosial sığorta haqqlarının artımı hesabına nəzərdə tutulub. Xərclərin 95%-ni əmək pensiyalarının ödənişi təşkil edəcək. Bu da 2016-ci illə illə müqayisədə 7,7% çoxdur. Ölkədə gözlənilən orta yaş həddinin artması ilə pensiya alanların 1 mln. 320 min nəfər olacağı gözlənilir. Buna baxmayaraq orta aylıq pensiya 8% artırılaraq 203 manata çatdırılacaq”.

H.Rəcəbli vurğulayıb ki, bu il nəzərdə tutulan müsbət bir dəyişiklik pensiyaların təkcə sığorta hissəsinin deyil, məbləğin bütövklükdə indeksasiya olunmasıdır. Bu da əhəmiyyətli artıma gətirib çıxara bilər:
“Debitor borclarla aparılan işlər yaxşılaşdırılmalıdır. Debitorlara qarşı sanksiyaların gücləndirilməsinə dehtiyac var”.

***

Milli Məclisin plenar iclası öz işinə başlayıb.

AzVision.az xəbər verir ki, iclasda deputatlar və hökumət nümayəndələri 2017-ci ilin büdcə zərfini müzakirə edirlər.

Spiker Oqtay Əsədov deyib ki, gündəlikdə birinci məsələ "Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun 2017-ci il büdcəsi haqqında" qanun layihəsidir.

Xatırladaq ki ,gələn ilin büdcə zərfinə "2017-ci il dövlət büdcəsi haqqında", "Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun 2017-ci il büdcəsi haqqında", "2017-ci il üçün yaşayış minimumu haqqında", " 2017-ci il üçün ehtiyac meyarının həddi haqqında", “Milli Məclisin 2017-ci il üçün xərclər smetası haqqında” və “Hesablama Palatasının 2017-ci il üçün xərclər smetası haqqında” qanun layihələri daxildir.

Anar Kəlbiyev
AzVision.az