`Elnur Hüseynzadəyə baş çəkməyə hazırıq` - BQXK

  03 Fevral 2017    Oxunub : 2649
`Elnur Hüseynzadəyə baş çəkməyə hazırıq` - BQXK
Xəbər verdiyimiz kimi, ötən gün cəbhənin Talış istiqamətində Ermənistan hərbçiləri tərəfindən saxlanılmış Azərbaycan Respublikasının vətəndaşı, 1995-ci il təvəllüdlü Hüseynzadə Elnur Elman oğlunun azad edilməsi məqsədi ilə aidiyyəti beynəlxalq təşkilatlar məlumatlandırılıb.
Beynəlxalq Qızıl Xaç Komitəsinin Azərbaycan nümayəndəliyinin İctimaiyyətlə əlaqələr şöbəsinin rəhbəri İlahə Hüseynova AzVision.az-a bildirib ki, Beynəlxalq Qızıl Xaç Komitəsi (BQXK) Azərbaycan vətəndaşı Elnur Hüseynzadə ilə bağlı məlumatları diqqətlə izləyir.

İlahə Hüseynova qeyd edib ki, Beynəlxalq Qızıl Xaç Komitəsi fakt təsdiqini taparsa, Elnur Hüseynzadəyə baş çəkməyə hazırdır.

Qeyd edək ki, BQXK-dən ötən gün buna oxşar açıqlama verilərək, Azərbaycan vətəndaşı Elnur Hüseynzadənin girov götürülməsi haqda xəbərləri izlədiklərini bildirmişdilər.

Anar Kəlbiyev
AzVision.az

Teqlər: