BNA sürücüləri müayinədən keçirdi

BNA sürücüləri müayinədən keçirdi
  22 May 2017    Oxunub:1039
IV İslam Həmrəyliyi Oyunlarının bağlanış mərasimində biletli tamaşaçıların Bakı Olimpiya Stadionuna, eləcə də mərasim bitdikdən sonra müəyyən olunmuş istiqamətlərə (metronun “Qara Qarayev”, “Gənclik” və “20 Yanvar” stansiyaları yaxınlığındakı dayanacaqlara) daşınmasına cəlb edilən 430 ədəd avtobus artıq İctimai Nəqliyyat Terminalına toplanıb.
Bakı Nəqliyyat Agentliyinin (BNA) İctimaiyyətlə əlaqələr şöbəsinin sektor müdiri Mais Ağayev AzVision.az-a bildirib ki, sürücülərin tibbi müayinəsi və digər zəruri prosedurlar yekunlaşdıqdan sonra daşınma prosesinə start veriləcək.

Qeyd edək ki, tamaşaçıların daşınması saat 17:00-dən 20:00-dək davam edəcək. BNA ekspress xətt avtobuslarından istifadə edəcək biletli tamaşaçılardan vaxtında metronun “Qara Qarayev”, “Gənclik” və “20 Yanvar” stansiyaları yaxınlığındakı dayanacaq məntəqələrinə gəlmələrini xahiş edir.

AzVision.az


Teqlər: BNA  





Xəbər lenti