Azərbaycanlı general Ermənistana xəbərdarlıq etdi
Bu barədə AzVision.az-a açıqlamasında ehtiyatda olan general-leytenant Yaşar Aydəmirov bildirib.
“Alxanlıda törədilən təxribata silahlı bölmələrimiz tərəfindən layiqli cavab verilib. Düşmən susdurulub. Hesab edirəm ki, erməni təxribatlarının qarşısı daha kəskin formada alınmalıdır. Yəni, təxribatlara 5-10 misli cavab verilməlidir”.
General-leytenant hesab edir ki, təxribatlar Ermənistanın daxilindəki qeyri-stabil vəziyyətlə əlaqədardır:
“Bu təxribatlarla Ermənistanın hərbi-kriminal rejimi daxili problemlərdən vətəndaşların diqqətini yayındırmağa çalışır. Rejim insanları aldatmaq istəyir. Ermənistan tərəfinin təxribatı Azərbaycanın üzərinə atmaq niyyətinə gəlincə, deyə bilərəm ki, bu, onların savadsızlığından irəli gəlir”.
Elvin Abdulqədirov
AzVision.az
Teqlər: General Yaşar-Aydəmirov Alxanlı Füzuli Təxribat