Dənizçi olmaq istəyən abituriyentlərin nəzərinə

Dənizçi olmaq istəyən abituriyentlərin nəzərinə
  28 İyul 2017    Oxunub:1920
Azərbaycan Dövlət Dəniz Akademiyası dənizçi olmaq istəyən abituriyentlərə müraciət edib.
Akademiyanın mətbuat xidmətindən AzVision.az-a verilən xəbərə görə, Dövlət İmtahan Mərkəzinin 2017/2018-ci tədris ilində ali təhsil müəssisələrinin I ixtisas qrupu üzrə keçirdiyi qəbul imtahanlarında iştirak edən və tələb olunan şərtləri ödəyən abituriyentlər Azərbaycan Dövlət Dəniz Akademiyasının “Gəmi energetik qurğularının istismarı mühhəndisliyi”, “Dəniz naviqasiyası mühəndisliyi” və “Elektrik mühəndisliyi” ixtasları üzrə müsabiqədə iştirak etmək üçün 31 iyul – 03 avqust 2017-ci il tarixlərində Bakı şəh., Yasamal r-nu, Kazım Kazımzadə, ev 120 A (Gömrük hospitalının yanı) ünvanında yerləşən “AXDG”QSC-nin 1 saylı poliklinikasında xüsusi tibbi və psixoloji müayinədən keçməlidirlər.

Müayinədən uğurla keçən abituriyentlər avqustun 6-dan etibarən ixtisas seçimində iştirak edərək həmin ixtisasları elektron ərizələrində qeyd edə bilərlər.

Xatırladaq ki, ixtisas seçimi avqustun 10-dək davam edəcək.

AzVision.az


Teqlər: DİM   tələbə   Dövlət-Dəniz-Akademiyası  





Xəbər lenti