Ölkədə uşaqlar arasında yoluxucu virus yayılıb

16:16   21 Avqust 2017    Oxunub: 2059
Ölkədə uşaqlar arasında yoluxucu virus yayılıb

Son günlər uşaqlar arasında qızdırma, qusma halları kəskin artıb.

Respublikanın baş infeksionisti Cəlal İsayev AzVision.az-a bildirib ki, hələ 3-4 ay öncə uşaqlar arasında rotaviruslar yayılmışdı.

“Yay aylarında belə virusların-enterovirusların, rotavirusların yayılma ehtimalı var. Bunlar uşağın həyatı üçün adətən təhlükə təşkil eləmir. Yüngül infeksiyalar olur, 3-4 gün müddətində uşaqda qızdırma və ya digər simptomlar müşahidə edilir, sonra isə müalicə tələb etmədən çıxıb gedir”.

C.İsayev qeyd edib ki, hazırkı dövrdə Azərbaycan üçün epidemioloji situasiya təhlükə təşkil etmir. “Uşaqlar arasında hazırda yayılan virusun nə olduğunu dəqiqləşdirmək lazımdır. Adi kliniki xəstəxanalarda laborator müayinə aparmaq çətindir və bunun dəqiq müayinəsi lazımdır”.

Baş infeksionist əlavə edib ki, epidemioloji situasiya gərgin olmadığı üçün bahalı müayinələr aparmağa ehtiyac qalmır:

“Pediatrların qeyd etdiyi kimi, bu vəziyyətlə bağlı kütləvi müraciət yoxdur. Düzdür, eyni simptomlarla müraciət edənlər var, lakin kütləvi şəkildə deyil. Uşaqlar arasında yayılan bu infeksiyalar ciddi təhlükə təşkil etmir”.

Aytən Zəhra
AzVision.az

Teqlər: Uşaq   Xəstəxana   Virus    




Rubrikanın digər yazıları