"Münaqişələrin sülh yolu ilə həllinin tərəfdarıyıq" - Gürcü nazir

  06 Sentyabr 2017    Oxunub : 574
"Münaqişələrin sülh yolu ilə həllinin tərəfdarıyıq" - Gürcü nazir
"Azərbaycan və Gürcüstandakı münaqişələrlə bağlı beynəlxalq səylər gücləndirilməlidir"
AzVision.az xəbər verir ki, bu sözləri Gürcüstanın xarici işlər naziri Mixail Canelidze Bakıda keçirilən mətbuat konfransında deyib.

Gürcü nazirin sözlərinə görə, Gürcüstan münaqişələrin sülh yolu və ərazi bütövlüyü prinsipi çərçivəsində həllinə tərəfdardır.

Nazir bildirib ki, Gürcüstan, Azərbaycan və Türkiyə nümunəvi siyasi, ticari, iqtisadi, insanlararası münasibətlərə nail olub: “Bu, həm də xalqlar arasında öz əksini tapır. Üç ölkənin birgə layihələri təkcə Gürcüstan, Azərbaycan və Türkiyənin marağını əks etdirmir, eyni zamanda nəqliyyat və enerji sahəsində böyük layihələrin iştirakçısıyıq. Bu layihələr isə regionun sabitliyinə və inkişafına təkan verir. Biz Bakı-Tiflis-Qars dəmiryolunun açılmasını səbirsizliklə gözləyirik”.

Eldar Tanrıverdiyev
AzVision.az

Teqlər: Gürcüstan   XİN