“Könüllülər Yurdu –Azərbaycan” layihəsi başa çatıb - Fotolar
Daha sonra çıxış edən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov bildirib ki, bugünki tədbir dövlət rəhbərliyinin həyata keçirdiyi gənclər siyasətinin bir təcəssümüdur. Sədr qeyd edib ki, “ASAN Xidmət”in tərkib hissəsi olan 12 mindən çox könüllü eyni zamanda respublikamızda keçirilən beynəlxalq yarışların uğurla yekunlaşmasında yaxından iştirak ediblər.
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev ASAN könüllülərin könüllülük fəsəfəsini ən uğurlu formada mənimsədiklərini və bundan sonra da həyata keçirəcəkləri uğurlu layihələrlə cəmiyyətin inkişafına xidmət göstərəcəklərinə əmin olduğunu vurğulayıb.
Qeyd edək ki, 24 şəhər və rayonda həyata keçirilən “Könüllülər Yurdu-Azərbaycan” layihəsində ümumilikdə 1000-ə yaxın gənc iştirak edib. Layihədə “Şəxsi inkişaf”, “Könüllülüyün fəlsəfəsi və tarixi”, “ASAN Könüllüləri” təşkilatı, “ASAN School” könüllülük məktəbi və “ASAN Kadr” karyera mərkəzi, “Dövlət orqanlarının şəxsi inkişaf üçün yaratdığı imkanlar” mövzularında müxtəlif təlimlər keçirilib. Həmçinin layihə ərzində 80000-dən artıq ailəyə könüllük fəaliyyəti ilə bağlı marifləndirici bukletlər paylanılıb.
Anar Kəlbiyev
Foto: Elvin Abdulla
AzVision.az
Teqlər: ASAN QHT Azay-Quliyev