Hərbi Liseydə açıq dərs keçirilib

Hərbi Liseydə açıq dərs keçirilib
  28 Sentyabr 2017    Oxunub:2435
Cəmşid Naxçıvanski adına Hərbi Liseydə Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin BMT Baş Assambleyasının 72-ci sessiyasının açılışındakı nitqinə həsr edilmiş açıq dərs keçirilib.
Müdafiə Nazirliyinin mətbuat xidmətindən AzVision.az-a verilən məlumata görə, komandanlıq və pedaqoji heyətin iştirakı ilə keçirilən tədbirdə dövlətimizin başçısının nitqi dinlənilib. Həmin çıxışdan irəli gələn vəzifələr və gələcək zabitlərin yetişdirilməsində pedaqoji kollektivin rolu mövzusunda müzakirələr aparılıb.

Hərbi Liseyin rəisi çıxış edərək cəbhə bölgəsində keçirilən genişmiqyaslı təlimlərin yekunlarına həsr olunmuş kollegiya iclasında müdafiə naziri, general-polkovnik Zakir Həsənovun “Silahlı Qüvvələrin 2017-ci qış tədris dövründə xidməti döyüş fəaliyyətinin nəticələri” mövzusunda məruzəsindən irəli gələn tələbləri şəxsi heyətə çatdırıb.

AzVision.az


Teqlər: Müdafiə-Nazirliyi  





Xəbər lenti