Prokurorluq narkotikə görə cinayət məsuliyyətinin ləğvinə qarşı çıxdı
Qeyd edək ki, dəyişiklik layihəsində məcəlləyə 74-1 maddəsinin (Narkomaniya xəstəliyi ilə əlaqədar cinayət məsuliyyətindən azad etmə) əlavə edilməsi təklif olunur.
Yeniliyə görə, 234.1-ci maddəsində (234.1. Satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama üç ilədək müddətə azadlıqdan məhrum etmə ilə cəzalandırılır) nəzərdə tutulmuş cinayəti törətmiş, əməlində başqa cinayət tərkibi olmayan və narkomaniya xəstəliyinə düçar olmuş şəxs barəsində məhkəmə tərəfindən bu xəstəliklə əlaqədar stasionar qaydada tibbi xarakterli məcburi tədbirlər tətbiq edilir. Həmin şəxsin tam sağalması nəticəsində tibbi xarakterli məcburi tədbirlər ləğv edildikdə, məhkəmə şəxsi cinayət məsuliyyətindən azad edir.
Prezident Administrasiyasının Hüquq-mühafizə orqanları ilə iş şöbəsinin sektor müdiri Vüsal İsayev bildirib ki, burada mövqe birmənalıdır, bunun tətbiq olunması cinayətlərin artmasına səbəb ola bilər:
“234.1-ci maddənin dekriminallaşdırılması ilə bağlı hüquq-mühafizə orqanlarının rəyi nəzərə alınıb. Biz tranzit yolunun üzərindəyik. Bundan başqa, digər ölkələrdə də bu cəzanın dekriminallaşdırılmasının effektivliyi hələ sübut olunmayıb, bu, çox azdır. Bu səbəbdən indiki mərhələdə bu dəyişiklik məqbul hesab olunmayıb”.
Anar Kəlbiyev
AzVision.az
Teqlər: Baş-Prokurorluq