Polad Bülbüloğlu üçün kritik seçki başlayır
AzVision.az UNESCO-nun rəsmi saytına istinadən xəbər verir ki, qurumun İdarə Heyətinin oktyabrın 4-18-də keçiriləcək 202-ci sessiyası çərçivəsində oktyabrın 9-da plenar iclasın sonunda ilkin gizli səsvermə keçiriləcək.
Qeyd edək ki, baş direktor 4 il müddətinə seçilir. Onun vəzifəsi daha 4 il uzadıla bilər.
UNESCO-nun baş direktoru vəzifəsinə 9 namizəd var. Azərbaycanın Rusiyadakı səfiri Polad Bülbüloğlu, Vyetnamdan Fam Sanh Çau, Misirdən Mouşira Xattab, Qətərdən Hamad bin Əbdüləziz Əl-Kavari, Çindən Qian Tang, Qvatameladan Xuan Alfonso Fuentes Soria, İraqdan Saleh Əl-Həsnəvi, Livandan Vera Əl-Xouri Lacoeuilhe və Fransadan Odri Azulay namizədlər sırasındadır.
Rusiyanın xarici işlər nazirinin müavini Qennadiy Qatilov jurnalistlərə açıqlamasında bildirmişdi ki, rəsmi Moskva Azərbaycanın Rusiyadakı səfiri Polad Bülbüloğlunun YUNESKO-nun baş katibi postuna namizədliyini dəstəkləyir.
Eldar Tanrıverdiyev
AzVision.az
Teqlər: UNESCO Polad-Bülbüloğlu