Medvedev İrəvana gedir: Ermənistan-Aİ razılaşması müzakirə ediləcək
Dmitri Medvedevin Ermənistan prezidenti Serj Sarkisyan, baş nazir Karen Karapetyan və digər nazirlərlə görüşü nəzərdə tutulub.
İclasda əsas müzakirə mövzusu Ermənistan- Avropa İttifaqı arasında imzalanacaq razılaşmadır. Eyni zamanda Qırğızıstan- Qazaxstan sərhəddində baş verən münaqişə də diqqət mərkəzində olacaq.
Qeyd olunub ki, Qırğızıstan tərəfindən Avrasiya İqtisadi Əməkdaşlıq Birliyinin növbədənkənar iclasının çağırılması planlaşdırılır.
İrəvan toplantısından sonra ənənəvi formata uyğun olaraq Avrasiya İqtisadi Əməkdaşlıq Birliyinin rəhbəri Tiqran Sarkisyan və baş nazirlərdən biri iclasın gündəliyinə dair mətbuat konfransı keçirəcək. Medvedev isə mətbuat konfransında iştirak etməyəcək.
Alpər Mövludoğlu
AzVision.az
Teqlər: Rusiya Ermənistan Aİ