Qurban Qurbanov: “Ağır oyun oldu, vacib xal qazandıq”

  18 Oktyabr 2017    Oxunub : 853
Qurban Qurbanov: “Ağır oyun oldu, vacib xal qazandıq”

"Bütün futbolçularımı təbrik edirəm. İlk xalımızı qazandıq. Çox əziyyət çəkdilər”.

AzVision.az xəbər verir ki, bunu “Qarabağ” klubunun baş məşqçisi Qurban Qurbanov "Atletiko" ilə oyundan sonra keçirilən mətbuat konfransında deyib.

“Həqiqətən, ağır oyun oldu. Uşaqlar sona qədər düzgün oynamağa çalışdılar və maksimum güclərindən də artığını meydanda qoydular. Azarkeşlər də bu gün bizə yaxşı dəstək oldular. Vacib xal qazandıq. Bu turnirin gücünü hiss etməyin futbolçularımıza böyük faydası olacaq”.

Qeyd edək ki, Çempionlar Liqasının (ÇL) qrup mərhələsinin III turu çərçivəsində “Atletiko”nu qəbul edən Ağdam təmsilçisi qolsuz heç-heçə sayəsində ÇL-də ilk xalını qazanıb.

AzVision.az

Teqlər: Qurban-Qurbanov   QarabağFK