İki azərbaycanlı uşağın Suriyadan gətirildiyi deyilir - XİN-dən AÇIQLAMA

  23 Oktyabr 2017    Oxunub : 1787
İki azərbaycanlı uşağın Suriyadan gətirildiyi deyilir - XİN-dən AÇIQLAMA

Sosial şəbəkələrdə iki azyaşlı uşağın Suriyadan Azərbaycana gətirilməsi və onların valideynlərinin axtarılmasına dair məlumat yayılıb.

“Bu uşaqları Suriyadan gətiriblər. Valideynləri və yaxud qohumları tapılmır. Xahiş olunur paylaşın bəlkə Allahın izni ilə bir köməyiniz dəyər” - məlumatda bildirilib.

AzVision.az-ın əməkdaşı məsələ ilə bağlı Azərbaycanın Xarici İşlər Nazirliyi ilə əlaqə saxlayıb. Nazirliyin mətbuat katibi Hikmət Hacıyev son günlər İraqSuriyadan XİN xətti ilə azərbaycanlı uşaqların gətirilmədiyini bildirib.



“Sonuncu dəfə XİN-in xətti ilə Abdulla adlı azyaşlı uşaq İraqdan Azərbaycana gətirilərək yaxın qohumlarına təhvil verilib. Hazırda İraqın müvafiq orqanlanları ilə digər uşaqların Azərbaycana gətirilməsinə dair danışqılar aparılır” - H.Hacıyev deyib.

Eldar Tanrıverdiyev
AzVision.azdir”.

Teqlər: XİN   Suriya