Partiya sədri hesab edir ki, bu cür mitinqlərlə Azərbaycanın mənafeyinə xidmət etmək olmaz:
“Hesab edirəm ki, dünyanın belə bir gərgin şəraitində mitinqlərin keçirilməsi dövlət və xalqımızın maraqlarına, mənafeyinə uyğun deyil. Qərbdən qidalanan partiyalar mitinq və etiraz aksiyaları keçirməklə ictimaiyyətin diqqətinə özünə cəlb etmək istəyir. Amma, bu cür mitinqlərlə Azərbaycanın mənafeyinə xidmət etmək olmaz. Bu mitinqləri məqbul hesab etmirəm. Hətta yersiz və mənasız olduğunu düşünürəm”.

R.Qurbanov bildirib ki, partiya üzvlərinin heç biri müxalifətin mitinqlərinə dəstək vermir: “Azərbaycan Kommunist Partiyası demokratik mərkəziyyət prinsipi əsasında fəaliyyət göstərir. Yəni, üzvlərimizin partiyanın keçirmədiyi hər hansı bir tədbirə qatılması yolverilməz haldır. Azərbaycan Kommunist Partiyası müxalifətin keçirdiyi heç bir mitinqə dəstək vermir. Üzvlərimiz də onların mitinqlərinə qatılmır”.

Qeyd edək ki, müxalifətin radikal qanadı olan Milli Şura AXCP sədri Əli Kərimlinin təşəbbüsü ilə Bakıda bir neçə dəfə icazəsi mitinq keçirib. Radikalların növbəti mitinqi oktyabrın 28-ə təyin edilib.

Elvin Abdulqədirov
AzVision.az