“Ermənistan reallıqla barışsa, münaqişə həllini tapa bilər” - XİN

  24 Oktyabr 2017    Oxunub : 616
“Ermənistan reallıqla barışsa, münaqişə həllini tapa bilər” - XİN

"Azərbaycanın BMT-yə üzvlüyünün ilk illəri Ermənistanın ölkəmizə təcavüzü ilə üst-üstə düşüb. Bu gün də Ermənistanın işğalı Azərbaycanın dayanıqlı inkişafına mane olan əsas səbəbdir".

AzVision.az APA-ya istinadən xəbər verir ki, bunu bu gün BMT-nin yaradılmasının 72-ci ildönümü - BMT Günü və BMT-Azərbaycan münasibətlərinin 25 illiyinə həsr olunmuş tədbirdə xarici işlər nazirinin müavini Mahmud Məmmədquliyev bildirib.

“Əfsuslar olsun ki, BMT Təhlükəsizlik Şurasının işğalçı Ermənistan silahlı qüvvələrinin işğal olunmuş torpaqlardan çıxarılmasını tələb eldən 4 qətnaməsi hələ də icra olunmayıb. Bu münaqişə yalnız və yalnız Azərbaycanın suverenliyi və beynəlxalq səviyyədə tanınmış sərhədləri çərçivəsində həllini tapa bilər. Ermənistan nə qədər tez mövcud reallıqla barışsa, öz qüvvələrini işğal olunmuş rayonlardan çıxarsa, Dağlıq Qarabağ münaqişəsi bir o qədər tez həllini tapa bilər. Münaqişənin həllindən region ölkələri də faydalanar", - deyə XİN rəsmisi vurğulayıb.

AzVision.az

Teqlər: XİN   Qarabağ