DTX valyuta qaçaqmalçılarına qarşı əməliyyat keçirdi

  25 Oktyabr 2017    Oxunub : 953
DTX valyuta qaçaqmalçılarına qarşı əməliyyat keçirdi

Xarici valyutanı Azərbaycandan qaçaqmalçıIıq yolu ilə daşıyan şəxslər saxlanılıb.

Dövlət Təhlükəsizliyi Xidmətinin (DTX) İctimai əlaqələr şöbəsindən AzVision.az-a verilən məlumata görə, DTX tərəfindən həyata keçirilmiş tədbirlər nəticəsində, qanunsuz valyuta mübadiləsi əsasında toplanılmış külli miqdarda xarici valyutanın ölkə ərazisindən qaçaqmalçılıq yolu ilə daşınmasında şübhəli bilinən Masallı rayon sakinləri - Babayev Azər Akif oğlu, Qafarlı Mehman Məhərrəm oğlu və Məmmədov Nofəl Müştəba oğlu saxlanılıblar.

Keçirilmiş baxışlar nəticəsində onlardan 71 min 500 ABŞ dolları, 6 min 500 rubl və 4 min 361 manat məbləğində pul əsginasları protokollaşdırılaraq hal şahidlərinin iştirakı ilə götürülüb.

Hazırda faktla bağlı əməliyyat-axtarış tədbirləri davam etdirilir.

AzVision.az

Teqlər: DTX