Deputatdan maaşların artırılması ilə bağlı təklif

  07 Noyabr 2017    Oxunub : 473
Deputatdan maaşların artırılması ilə bağlı təklif

"Azərbaycanda büdcə təşkilatlarında çalışanların maaşlarının artırılmasına ciddi ehtiyac var"

AzVision.az xəbər verir ki, bunu deputat Əli Məsimli parlamentdə büdcə müzakirələri zamanı deyib. Millət vəkili təklif edib ki, 2018-ci ilin büdcəsində bu məsələ nəzərə alınmalıdır.

"Növbəti ilin büdcəsində müəllimlərin diaqnostik qiymətləndirilməsi ilə bağlı əmək haqqı artımı nəzərdə tutulub, qalan sahələrdə əmək haqqının artırılmasına baxılmayıb. Büdcə təşkilatlarında çalışan, 200-300 manat maaş alanların vəziyyəti pisləşib. Büdcənin strukturuna yenidən baxılanda daha səmərəverən sahələrə, aztəminatlı ailələrə, o cümlədən büdcə təşkilatlarında çalışanların maaşlarının artırılmasına ciddi ehtiyac var" - deputat deyib.

Anar Kəlbiyev
AzVision.az

Teqlər: Milli-Məclis   Büdcə