10 min həb ələ keçirilib - Polislə sərhədçilərin birgə əməliyyatı

  09 Noyabr 2017    Oxunub : 740
10 min həb ələ keçirilib - Polislə sərhədçilərin birgə əməliyyatı

Yardımlı sakinindən narkotik tərkibli həb götürülüb.

Daxili İşlər Nazirliyinin mətbuat xidmətinin Lənkəran regional qrupundanAzVision.az-a verilən məlumata görə, respublikanın hüquq-mühafizə orqanları əməkdaşlarının keçirdikləri birgə tədbirlərlə külli miqdarda narkotik tərkibli dərman preparatları aşkar edilərək götürülüb.

YardımlıCəlilabad rayon polis şöbələrinin və Dövlət Sərhəd Xidmətinin əməkdaşları tərəfindən həyata keçirilən əməliyyat tədbirləri nəticəsində narkotik tərkibli maddələrin qaçaq yolla daşınmasında şübhəli bilinən Yardımlı rayonunun Gilar kənd sakini İlqar Sultanlı saxlanılıb. Araşdırmalarla onun qaçaq yolla gətirdiyi külli miqdarda narkotik tərkibli həbləri bir İran vətəndaşından aldığı və yaşadığı kəndin yaxınlığındakı meşə massivində gizlətdiyi müəyyən edilib.

Həmin əraziyə baxış zamanı oradan narkotik tərkibli “T-DOL-200” adlı 10.000 ədəd həb aşkar edilərək götürülüb.

Faktla bağlı araşdırmalar davam etdirilir.

AzVision.az

Teqlər: DİN