“Azərbaycanda ilin əvvəlindən bu günə qədər 4 minə yaxın təkan olub. Bunların içərisində hiss olunanı da var. Dünən Ağdamda baş verən zəlzələ orta gücə malikdir, dağıdıcı və katastrofik zəlzələ deyil. Həmin episentrdə bizim stansiya yerləşir. Stansiyanın binasında çat və ya dağıntı yoxdur”.

Q.Yetirmişli qeyd edib ki, zəlzələnin bir çox rayonlara hiss olunmasının səbəbi yeraltı təkanların 25 km dərinlikdə, 5.7 maqnitudada baş verməsidir.

“Zəlzələ episentrdə 5 baldan artıqdır, ola bilsin 6 bala yaxındır. Bütün ərazilərə, binalara vizual şəkildə baxılıb, xəritə qurulmalıdır ki, zəlzələ hara qədər hiss olunub. Əhali qorxmasın, narahat olmayın, dağıdıcı zəlzələ gözlənilmir. Qarabağ zonası üçün bundan artıq zəlzələ ola bilməz. Axşamdan indiyə qədər xırda təkanlar davam edir. Onların içərisində 1-2-si hiss olunub. Bu, o deməkdir ki, 30-dan çox təkanın enerji boşalması gedir və ocaqda proseslər sakitləşir. Ümumiyyətlə, Azərbaycanda katastrofik zəlzələ gözlənilmir. Hiss olunan zəlzələlərin baş vermə ehtimalı hər zaman var”.

Aytən Zəhra
AzVision.az