İlham Əliyev Latviya və Oman prezidentlərini təbrik edib

  17 Noyabr 2017    Oxunub : 319
İlham Əliyev Latviya və Oman prezidentlərini təbrik edib

Azərbaycan Prezidenti İlham Əliyev Latviyanın milli bayramı – Müstəqillik Günü münasibətilə bu ölkənin Prezidenti Raymonds Veyonisə təbrik məktubu göndərib.

AzVision.az xəbər verir ki, dövlətimizin başçısı Azərbaycan ilə Latviya arasındakı ənənəvi dostluq münasibətlərinin, qarşılıqlı faydalı əməkdaşlığın inkişafının bundan sonra da xalqlarımızın mənafelərinə xidmət edəcəyinə inandığını bildirib.

Azərbaycan Prezidenti latviyalı həmkarına möhkəm cansağlığı, işlərində uğurlar, dost Latviya xalqına daim sülh və rifah arzulayıb.

Prezident İlham Əliyev Omanın milli bayramı münasibətilə bu ölkənin Sultanı Qabus bin Səidə də təbrik məktubu göndərib. Dövlətimizin başçısı Oman Sultanına möhkəm cansağlığı və xoşbəxtlik, dost Oman xalqına daim əmin-amanlıq və firavanlıq diləyib.

AzVision.az

Teqlər: İlham-Əliyev   Prezident