“Qarabağ”-ın oyununda təhlükəsizlik təmin olunacaq - General

“Qarabağ”-ın oyununda təhlükəsizlik təmin olunacaq - General
  21 Noyabr 2017    Oxunub:1445
Noyabrın 22-də Bakı Olimpiya Stadionunda keçiriləcək "Qarabağ" - "Çelsi" oyununda azarkeşlərin təhlükəsizliyi tam təmin olunacaq.
AzVision.az xəbər verir ki, bu barədə Trend-ə açıqlamasında Bakı Şəhər Baş Polis İdarəsinin rəis müavini, polis general-mayoru Səhlab Bağırov deyib. Rəis müavini bildirib ki, bununla bağlı daxili işlər naziri, general-polkovnik Ramil Usubov tədbirlər planı təsdiqləyib:

"Cənab nazirin təstiq etdiyi tədbirlər planına uyğun olaraq, əraziyə polis qüvvəsi cəlb ediləcək və azarkeşlərin təhlükəsizliyi təmin ediləcək".

S.Bağırov əlavə edib ki, futbol matçı zamanı ərazi tam mühafizə olunacaq.

Xatırladaq ki, noyabrın 22-si saat 21:00-da Bakı Olimpiya Stadionunda UEFA Çempionlar Liqasının qrup mərhələsi çərçivəsində "Qarabağ" - "Çelsi" oyunu keçiriləcək. Oyun üçün nəzərdə tutulan 67 500 bilet artıq satılıb.

AzVision.az


Teqlər: DİN   Qarabağ  





Xəbər lenti