Azay Quliyev Vyanaya səfər edəcək

  04 Dekabr 2017    Oxunub : 467
Azay Quliyev Vyanaya səfər edəcək

Milli Məclisin deputatı, ATƏT PA-nın vitse-prezidenti Azay Quliyev qurumun Büro iclasında və ATƏT-in Nazirlər Şurasının 24-cü toplantısında iştirak etmək üçün dekabrın 5-də Avstriyanın paytaxtı Vyanaya səfər edəcək.

AzVision.az xəbər verir ki, bu haqda Milli Məclisin mətbuat xidməti məlumat yayıb.

Büroda ATƏT PA-nın 2018-ci il üçün fəaliyyət planı, qurumun qış və yay sessiyalarının gündəliyinə aid məsələlər, digər aktual mövzular müzakirə olunacaq.
Nazirlər Şurasının 24-cü iclasında bir sıra məsələlər ətrafında fikir mübadiləsi aparılacaq.

Azay Quliyev gündəlikdə olan məsələlərə münasibət bildirəcək, cari ilin oktyabrın 15-də Qırğızıstanda keçirilmiş prezident seçkilərinə dair ATƏT-in seçki müşahidə missiyasının rəyi haqqında məlumat verəcək.

Səfər dekabrın 8-də başa çatacaq.

AzVision.az

Teqlər: Azay-Quliyev