Məmmədyarov-Nalbandyan görüşü başa çatdı - Yenilənib

  06 Dekabr 2017    Oxunub : 1402
Məmmədyarov-Nalbandyan görüşü başa çatdı - Yenilənib

Azərbaycanın xarici işlər naziri Elmar Məmmədyarovla Ermənistanın XİN rəhbəri Edvard Nalbandyan arasında görüşü başa çatıb.

AzVision.az xəbər verir ki, bu barədə Azərbaycan XİN-in mətbuat xidmətinin rəhbəri Hikmət Hacıyev "Twitter" səhifəsində yazıb.

Vyanada keçirilən görüşdə Dağlıq Qarabağ münaqişəsinin nizamlanma məsələsi müzakirə olunub.

Hələlik görüşün detalları açıqlanmayıb.

Qeyd edək ki, XİN rəhbərlərinin Vyana görüşündə ATƏT-in Minsk qrupu həmsədrləri Endryu Şofer (ABŞ), Stefan Viskonti (Fransa), İqor Popov (Rusiya) və ATƏT-in fəaliyyətə olan sədrinin şəxsi nümayəndəsi Anjey Kaspşik (Polşa) iştirak edib.

***
(21:20)

Azərbaycanın xarici işlər naziri Elmar Məmmədyarovun Vyanada Ermənistanın XİN rəhbəri Edvard Nalbandyanla görüşü başlayıb.

AzVision.az xəbər verir ki, bu barədə Azərbaycan XİN-in mətbuat xidmətinin rəhbəri Hikmət Hacıyev məlumat verib.

Görüşdə Dağlıq Qarabağ münaqişəsinin həlli ilə bağlı müzakirələr aparılır.

AzVision.az

Teqlər: XİN   Məmmədyarov   Nalbandyan