Bakıdan 50 tələbə İsrailə göndəriləcək

  07 Dekabr 2017    Oxunub : 596
Bakıdan 50 tələbə İsrailə göndəriləcək

Bu gün İsrailin Bakıdakı səfirliyi və Turizm və Menecment Universitetinin təşkilatçılığı ilə “İSRotel” şəbəkəsində tələbələrin mübadilə proqramı ilə bağlı məzun gecəsi keçirilib.

AzVision.az xəbər verir ki, proqramın 10 illik yubleyi ilə əlaqədar keçirilən məzun gecəsində İsrailin Azərbaycandakı səfiri Dan Stav, universitet rəhbərliyi, mədəniyyət və turizm nazirinin müavini Sevda Məmmədəliyeva vədigər qonaqlar iştirak ediblər. Bundan əlavə məzun gecəsi ilə bağlı “İSRotel” mehmanxana şəbəkələrinin nümayəndə heyəti Bakıya gəlib.

Ümumilikdə 10 il ərzində təcrübə proqramında 191 azərbaycanlı tələbə iştirak edib. Bu il isə 50 nəfərədək 3-cü kurs tələbəsi İsrailin Eilat şəhərindəki “İSRotel” şəbəkəsinin nüfuzlu otellərində 5 ay müddətində istehsalat təcrübəsində olacaq.

Eldar Tanrıverdiyev
AzVision.az


Teqlər: Bakı   İsrail   Tələbə