Onun sözlərinə görə, Ermənistan Azərbaycan torpaqlarının 20 faizini işğal edib, Xocalı qətliamını törədib: “Ermənistan qonşu dövlətlərə qarşı münasibətinə yenidən baxmalı, ərazi iddialarından əl çəkməli və Azərbaycanın ərazi bütövlüyünə hörmət etməlidir. Biz Azərbaycanın qəbul edəcəyi hər bir formulu qəbul edəcəyik. Münasibətlərin normallaşması üçün bir şərt qoyduq ki, Ermənistan Azərbaycan torpaqlarından çıxacaq və ondan sonra münasibətlər normallaşa bilər. Ermənistan tərəfindən verilən açıqlamaların bizim üçün heç bir hökmü yoxdur”.

Ermənistan və Türkiyə arasında 2009-cu ildə İsveçrədə imzalanan protokolların taleyi barədə sualı cavablandıran nazir deyib: “Ermənistan həmin protokolları öz Konstitusiya Məhkəməsinə təqdim edib və KM sənədlərin bəzi önəmli maddələrini oradan çıxarıb. Biz Ermənistanla bəzi şərtlər daxilində addım atmaq istədik. Əsas şərt o idi ki, Ermənistan işğal etdiyi torpaqlardan çəkiləcək, biz də əlaqələrimiz normallaşdıracağıq. Bizim şərtimizi yerinə yetirmədiyi müddətcə bu razılaşmanın həyata keçməsi mümkün deyil”.

Eldar Tanrıverdiyev
Foto: Elvin Abdulla

AzVision.az