Rusiyanın Baş Qərargah rəisi: “ABŞ Suriyada terrorçular hazırlayır”

  27 Dekabr 2017    Oxunub : 991
Rusiyanın Baş Qərargah rəisi: “ABŞ Suriyada terrorçular hazırlayır”
ABŞ Suriyada yerləşən “Ət Tanf” hərbi bazasında İŞİD terrorçularını hazırlayır.

AzVision.az “RİA Novosti”yə istinadən xəbər verir ki, bu barədə Rusiya Silahlı Qüvvələrinin Baş Qərargahının rəisi Valeri Gerasimov bildirib.
“Bu baza Suriyanın cənubundadır, Suriya, İordaniya və İraq sərhədlərinin kəsişməsində yerləşir. Kəşfiyyat məlumatlarına əsasən, bazada silahlı dəstələr var. Onlar orada faktiki olaraq hazırlanırlar”, - deyə Gerasimov qeyd edib.

Baş Qərargah rəisinin sözlərinə görə, Suriyanın “Şəddadi” düşərgəsində də terrorçular var: “Oradakı silahlılar faktiki olaraq İŞİD terrorçularıdır. Həmin dəstələr “rəngini” və adını dəyişərək, məsələn “Yeni Suriya Ordusu”na çevrilir”.

Eldar Tanrıverdiyev
AzVision.az

Teqlər: Rusiya   Gerasimov   ABŞ   İŞİD   Terror