Yasamalın yeni icra başçısı kimdir? - DOSYE

  02 Fevral 2018    Oxunub : 22917
Yasamalın yeni icra başçısı kimdir? - DOSYE

Xəbər verdiyimiz kimi, bu gün Əziz İmran oğlu Əzizov Bakı şəhəri Yasamal Rayon İcra Hakimiyyətinin başçısı vəzifəsinə təyin edilib. Prezident İlham Əliyev bununla bağlı müvafiq sərəncam imzalayıb.

AzVision.az-ın məlumatına görə, Ə.Əzizov 9 dekabr 1963-cü ildə Cəbrayıl rayonunda anadan olub.

M.Əzizbəyov adına Neft və Kimya Akademiyasının mühəndis ixtisası üzrə bitirib. Ə.Əzizov İndiyədək müxtəlif vəzifələrdə işləyib.



1985-1986-cı illərdə Tramvay parkında xətt sahəsi təmiri ustası, 1986-1987-ci illərdə Tramvay parkında vaqon bölməsində usta, 1987-1989-cu illərdə Tramvay parkında yol təhlükəsizliyi müfəttişi, 1989-1990-cı illərdə Tramvay parkında yol təhlükəsizliyi idarəsinin rəisi, 1990-1992-ci illərdə Tramvay parkında istismar idarəsinin rəisinin vəzifəsinin icra edən, 1992-1993-cü illərdə Bakı şəhər Nəqliyyat Departamentinin texniki şöbənin rəisi, 1993-1996-cı illərdə Bakı şəhər Nəqliyyat Departamentinin hərəkətin təhlükəsizliyi üzrə rəisi vəzifələrində çalışıb.

Ə.Əzizov 1996-2006-cı illərdə sahibkarlıq fəaliyyəti məşğul olub. Yeni Azərbaycan Partiyasının üzvüdür. Ailəlidir, 3 övladı var.

Qeyd edək ki, Ə.Əzizov 2006-cı ildən bu günədək Cəlilabad rayonu İcra Hakimiyyətinin başçısı vəzifəsini icra edib.

AzVision.az

Teqlər: Əziz-Əzizov   Başçı   İcra