Azərbaycan məhsulları “Fruit logistica” sərgisində

  05 Fevral 2018    Oxunub : 378
Azərbaycan məhsulları “Fruit logistica” sərgisində

Fevralın 7-dən 9-dək Almaniyanın Berlin şəhərində "Fruit Logistica" meyvə-tərəvəz Sərgisi keçiriləcək.

İqtisadiyyat Nazirliyindən AzVision.az-a verilən məlumata görə, Azərbaycan məhsullarının da nümayiş olunacağı sərgidə dünyanın 84 ölkəsindən 3000-dən çox şirkətin iştirakı nəzərdə tutulur.

İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun təşkilatçılığı ilə 9 ixracatçı Azərbaycan şirkətinin istehsal etdiyi meyvə-tərəvəz məhsulları vahid ölkə stendi ilə bu beynəlxalq sərgidə ziyarətçilərə təqdim ediləcək.

Qeyd edək ki, Azərbaycan Respublikası Prezidentinin 5 oktyabr 2016-cı il tarixli "Made in Azerbaijan" brendinin xarici bazarlarda təbliğinə dair Fərmanına uyğun olaraq, "Fruit Logistica" meyvə-tərəvəz sərgisində Azərbaycanın vahid ölkə stendinin təşkili xərcləri dövlət tərəfindən qarşılanır.

AzVision.az

Teqlər: Made-in-Azerbaijan   İqtisadiyyat-Nazirliyi