Milli Məclisin növbəti iclasının gündəliyi açıqlandı

  07 Fevral 2018    Oxunub : 672
Milli Məclisin növbəti iclasının gündəliyi açıqlandı
Milli Məclisin növbəti plenar iclasının gündəliyi məlum olub.
AzVision.az xəbər verir ki, parlamentin fevralın 13-də keçiriləcək iclasının gündəliyinə 18 məsələ daxildir.

Bunlar "Konstitusiya Məhkəməsi haqqında", "Ələt azad iqtisadi zonası haqqında", "Energetika haqqında", "Elektroenergetika haqqında", "Qaz təchizatı haqqında", "Daşınmaz əmlakın dövlət reyesteri haqqında" və.s qanunlara, o cümlədən İnzibati Xətalar Məcəlləsinə dəyişiklik layihələri daxildir. Bundan başqa, yeni hazırlanan "Əlilliyi olan şəxslərin hüquqları haqqında" qanun layihəsi də müzakirəyə çıxarılacaq.

Plenar iclasda, həmçinin bələdiyyələrin fəaliyyətinə inzibati nəzarəti həyata keçirən orqanın illik məruzəsinə baxılacaq.

Anar Kəlbiyev
AzVision.az

Teqlər: Milli-Məclis   Plenar   İclas