“İrəvana qayıdacağıq, bunu ermənilər də bilir” - Şuşanın icra başçısı

  14 Fevral 2018    Oxunub : 1767
“İrəvana qayıdacağıq, bunu ermənilər də bilir” - Şuşanın icra başçısı
“Ermənilər təşviş içindədirlər. Onlar bilirlər ki, nə vaxtsa bizim torpaqlarımızdan rədd olub gedəcəklər”.

Bunu AzVision.az-a açıqlamasında Şuşa Rayon İcra Hakimiyyətinin başçısı, Dağlıq Qarabağın Azərbaycanlı İcmasının rəhbəri Bayram Səfərov deyib.
İcra başçısı bildirib ki, bu gün Ermənistan dövlətinin mövcud olduğu ərazi tarixən Azərbaycan torpağıdır.

“Bizim heç kimin torpağında gözümüz yoxdur. Onlar bizim torpağımızda yaşayırlar, biz onların yox. Ermənilər bizim torpaqlarımızdan rədd olub getməlidirlər. Gedəcəklər də. Gec-tez doğma torpaqlarımıza - İrəvana da qayıdacağıq. Buna heç kimim şübhəsi olmasın. Ermənilər özləri də bilirlər ki, vaxt gələcək torpaqlardan rədd olub gedəcəklər. Onlar indidən qorxuya düşüblər”, - deyə B.Səfərov vurğulayıb.

Elvin Abdulqədirov
AzVision.az

Teqlər: Qarabağ   İcra-Başçısı