Ramil Usubov kral Salmanla görüşdə - "Azərbaycanı tam dəstəkləyirik"
Krallığının daxili işlər naziri ölkələrimiz arasında bütün sahələrdə əməkdaşlığın genişləndiyini vurğulayıb. R. Usubov isə səfərin nazirliklərarası əməkdaşlığın daha da möhkəmlənməsinə xidmət edəcəyinə əminliyini bildirib.
Görüşdə dövlətlərarası müqavilə-hüquqi bazasının təkmilləşdirilməsi çərçivəsində iki ölkənin Daxili İşlər nazirlikləri arasında işbirliyinin, cinayətkarlıqla mübarizədə əməkdaşlığın genişləndirilməsini nəzərdə tutan hökumətlərarası protokol imzalanıb.
Səudiyyə Ərəbistanı kralı Salman bin Əbdüləziz Al Səud R. Usubovun başçılıq etdiyi nümayəndə heyətini qəbul edib. İki ölkə arasında münasibətlərin yüksək səviyyədə olduğunu bildirən Səudiyyə Ərəbistanı kralı beynəlxalq arenada ölkəsinin Azərbaycanı tam dəstəklədiyini vurğulayıb.
R. Usubov keçirdiyi görüşlər, aparılan danışıqlar barədə məlumat verib, bu səfərin ölkələrimiz arasında əlaqələrin dərinləşməsinə xidmət etdiyini bildirib.
Qəbulda və görüşlərdə ölkəmizin Səudiyyə Ərəbistanındakı fövqəladə və səlahiyyətli səfiri Şahin Abdullayev iştirak edib.
AzVision.az
Teqlər: DİN Ramil-Usubov Kral-Salman