Dilqəm ailəsinə məktub yazmaq istəmir, Şahbazdan isə xəbər yoxdur
Dilqəm Əsgərovun oğlu Kürdoğlu Əsgərov AzVision.az-a deyib ki, atasından sonuncu dəfə noyabr ayında məkub alıb.
İlham Quliyev də qardaşı Şahbaz Quliyevdən xəbərsiz olduğunu deyib: “Heç bir məlumatımız yoxdur. Bir aydan çoxdur ki, məktub yazmışıq. Lakin Qızıl Xaç Komitəsindən nə bir söz deyirlər və nə də məktub var. Şahbaz iki aydan çoxdur evə məktub göndərmir”.
Xatırladaq ki, 2014-cü ilin iyul ayında Rusiya vətəndaşı Dilqəm Əsgərov və Azərbaycan vətəndaşı Şahbaz Quliyev Kəlbəcərdə öz ata-baba yurdlarını ziyarət etmək istəyərkən Ermənistan Silahlı Qüvvələri tərəfindən girov götürülüblər, Azərbaycan vətəndaşı Həsən Həsənov isə güllələnərək öldürülüb. H. Həsənovun meyiti düşməndən alınaraq Bakıda dəfn edilib.
İşğal altındakı Dağlıq Qarabağda D. Əsgərov və Ş. Quliyev üzərində qanunsuz “məhkəmə” qurublar. “Məhkəmə”nin qərarı ilə D. Əsgərov ömürlük, Ş. Quliyev isə 22 il müddətinə azadlıqdan məhrum edilmə cəzasına məhkum olunub.
Aytən Zəhra
AzVision.az
Teqlər: