Daha 3 nəfərin prezidentliyə namizədliyi qeydə alındı

  07 Mart 2018    Oxunub : 2341
Daha 3 nəfərin prezidentliyə namizədliyi qeydə alındı
Bu gün Mərkəzi Seçki Seçki Komissiyasının növbəti iclası keçirilib.
AzVision.az xəbər verir ki, iclasda prezidentliyə namizədliyi öz təşəbbüsü ilə irəli sürülən Zahid Məhərrəm oğlu Orucun, prezidentliyə namizədliyi Azərbaycan Sosial Demokrat Partiyası tərəfindən irəli sürülən Araz Əlizadənin, prezidentliyə namizədliyi Bütöv Azərbaycan Xalq Cəbhəsi Partiyası tərəfindən irəli sürülən Qüdrət Müzəffər oğlu Həsənquliyevin namizədliyinin qeydə alınması məsələsinə baxılıb və onların prezidentliyə namizədliyi qeydə alınıb. Bununla namizədliyi qeydə alınanların sayı 4-ə çatıb.

MSK bundan öncə namizədliyi Yeni Azərbaycan Partiyası tərəfindən irəli sürülən İlham Heydər oğlu Əliyevin prezidentliyə namizədliyini qeydə almışdı.

Qeyd edək ki, Azərbaycanda prezident seçkiləri aprelin 11-də keçiriləcək.

Elvin Abdulqədirov
AzVision.az

Teqlər: MSK   Namizəd   Qeydiyyat   Seçki