Lavrov "S-400"lərin tezliklə Türkiyəyə göndəriləcəyinə söz verdi

Lavrov "S-400"lərin tezliklə Türkiyəyə göndəriləcəyinə söz verdi
  14 Mart 2018    Oxunub:1983
“Rusiya Türkiyəyə satacağı "S-400" zenit-raket komplekslərinin təhvil-təslimini sürətləndirəcək”.

AzVision.az-ın məlumatına görə, bunu Rusiyanın xarici işlər naziri Sergey Lavrov türkiyəli həmkarı Mövlud çavuşoğlu ilə Moskvada keçirdiyi birgə mətbuat konfransında deyib.
Çavuşoğlu bildirib ki, "S-400" zenit-raket kompleksləri nə qədər tez təhvil-təslim edilərsə, Türkiyə üçün bir o qədər yaxşı olacaq.

Bir neçə gün öncə isə Rusiya prezidentinin hərbi-texniki əməkdaşlıq məsələləri üzrə köməkçisi Vladimir Kojin bəyan etmişdi ki, təhvil-təslim 2020-ci ilin əvvəlindən həyata keçirilməyə başlanılacaq.

Xatırladaq ki, Türkiyə daha əvvəl müqavilə çərçivəsində 4 ədəd "S-400" üçün Rusiyaya 2.5 milyard dollar ödəyib. Bu məbləğin bir qisminin Rusiyadan alınan kredit hesabına ödənildiyi bildirilir.

Kənan Məmmədov
AzVision.az


Teqlər: S-400   Türkiyə   Rusiya  





Xəbər lenti