Birləşmiş Ərəb Əmirliklərində seçicilər fəallıq göstərir - FOTO

  11 Aprel 2018    Oxunub : 1294
Birləşmiş Ərəb Əmirliklərində seçicilər fəallıq göstərir - FOTO
Azərbaycan Respublikası Prezidentinin seçkiləri ilə əlaqədar Birləşmiş Ərəb Əmirliklərindəki səfirliyimizdə yaradılmış seçki məntəqəsində yerli vaxtla səhər saat 12:00-dək adları seçici siyahısında olan vətəndaşların təxminən 50 faizi səsvermə hüququndan istifadə edib.
Bu barədə Əbu-Dabidəki məntəqə seçki komissiyasının sədri Leyla Süleymanova məlumat verib. O deyib ki, səsvermə prosesi normal qaydada, azad və şəffaf şəkildə davam edir. Bu saatadək heç bir qanun pozuntusu və yaxud şikayət qeydə alınmayıb.

Azərbaycanın Dubaydakı baş konsulu Cavidan Hüseynov qeyd edib ki, yerli vaxtla saat 12:00-dək 50 nəfər səs verib. Seçki prosesi fəal davam edir. Azərbaycan vətəndaşları və Dubayda müvəqqəti olan seçicilərimiz sərbəst və demokratik şəkildə öz iradələrini ifadə edirlər.

Seçki məntəqəsinə səs verməyə gələn Əbülfəz Qafarov müxbirimizə bildirib ki, səsvermə prosesi çox rahat və şəffaf keçir. İnsanlar seçki məntəqəsinə gələrək sərbəst şəkildə öz vətəndaşlıq borcunu yerinə yetirir. “Mən sərgidə iştirak məqsədilə hazırda Dubay şəhərindəyəm. Prezident seçkilərinin vaxtını bildiyimdən seçkilərdə iştirak etmək üçün qeydiyyatdan çıxma vəsiqəsi almışam”, – deyə o bildirib.





AzVision.az

Teqlər: MSK   Seçki   BƏƏ