“Mətbuat Şurası haqqında” qanun layihəsi hazırlanır

“Mətbuat Şurası haqqında” qanun layihəsi hazırlanır
  17 Aprel 2018    Oxunub:942
“Mətbuat Şurası haqqında” qanun layihəsinin üzərində iş gedir.
AzVision.az xəbər verir ki, bunu Milli Məclisin Mədəniyyət komitəsinin iclasında komitə üzvü Əflatun Amaşov deyib.

O, bildirib ki, belə bir qanun layihəsinə ehtiyac var: “Mətbuat Şurasının Şurasının fəaliyyəti qeyri-hökumət təşkilatlarının fəaliyyəti ilə bağlı qanuna uyğun olaraq tənzimlənir. Şuranın qəbul etdiyi müəyyən qərarlarla bağlı çətinliklər var. Belə qərara gəlmişik ki, yeni qanun layihəsi hazırlanarsa, qəbul edilən qərarlar daha çevik şəkildə həyata keçirilər”.

Komitə sədri Rəfail Hüseyenov isə deyib ki, Mətbuat Şurası ilə bağlı qanun layihəsinin hazırlanmasına etiraz etmir: “Şuranın fəaliyyəti ilə bağlı geniş hüquqi zəminə ehtiyac varsa, buyurun, hazırlayın. Biz bunu nəzərdən keçirə bilərik. Hesab edirəm ki, Mətbuat Şurasının fəaliyyətini müvafiq Əsasnamə tənzimləyir".

Anar Kəlbiyev
AzVision.az


Teqlər:   Qanun  





Xəbər lenti