Ölkədən bir milyon pul çıxarmaq istədi, gömrükdə tutuldu

Ölkədən bir milyon pul çıxarmaq istədi, gömrükdə tutuldu
  24 Aprel 2018    Oxunub:1697
Dövlət Gömrük Komitəsi (DGK) Hava Nəqliyyatında Baş Gömrük İdarəsinin əməkdaşları külli miqdarda xarici valyutanın gömrük sərhədindən bəyan etmədən keçirilməsi cəhdinin qarşısını alıblar.
DGK-dan AzVision.az-a verilən xəbərə görə, Bakı-Moskva aviareysilə getmək istəyən Rusiya vətəndaşı "yaşıl kanal" buraxılış sistemindən istifadə etməklə gömrük nəzarətindən keçsə də, lakin onun üzərində gömrük orqanına bəyan edilməmiş malların olması ilə bağlı əsaslı şübhə yaranıb.

Vətəndaş saxlanılıb və üzərində şəxsi yoxlama aparılıb. Nəticədə onun gödəkçəsinin və şalvarının ciblərində gömrük nəzarətinə əvvəlcədən təqdim edilməyən, şifahi, yazılı və ya elektron formada bəyan olunmayan cəmi 1 mln. Rusiya rublu aşkarlanıb. Faktla bağlı araşdırma aparılır.

AzVision.az


Teqlər: DGK   Rubl  





Xəbər lenti