Fədayə Laçının həbs müddəti artırıldı

  17 May 2018    Oxunub : 543
Fədayə Laçının həbs müddəti artırıldı
Müğənni Fədayə Laçının həbs müddəti uzadılıb.
Bu barədə AzVision.az-a onun vəkili Türkel Süleymanlı bildirib. Vəkilin sözlərinə görə, Nəsimi Rayon Məhkəməsi Fədayə Laçının həbs müddətini avqustun 23-dək artırıb.

“Fədayə xanım həbs müddətinin uzadılmasından narazıdır. O, xahiş etsə də, istintaq orqanı müraciətini qəbul etmədi”.

Xatırladaq ki, 2017-ci ildə oktyabrın 23-də Bakıda məhbusların qaçması faktı ilə bağlı Baş Prokurorluğun Ağır Cinayətlərə Dair İşlər üzrə İstintaq İdarəsində başlanılan cinayət işi üzrə Fədayə Məmmədova təqsirləndirilən şəxs qismində cəlb olunaraq Nəsimi Rayon Məhkəməsinin qərarı ilə barəsində həbs qətimkan tədbiri seçilib.

Onun barəsində Cinayət Məcəlləsinin 304.2.1-ci (mühafizə altında olan şəxsə qaçmağa yardım etmə, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb.

Şahanə Rəhimli
AzVision.az

Teqlər: Fədayə-Laçın