Son vaxtlar Azərbaycandan İŞİD-ə qoşulan olmayıb

  24 May 2018    Oxunub : 639
Son vaxtlar Azərbaycandan İŞİD-ə qoşulan olmayıb
"Azərbaycanda dini etiqad azadlığı dünyanın ən qabaqcıl ölkələrindən də yüksək səviyyədədir. Ölkəmizdə dini etiqada görə heç bir təqib yoxdur"
AzVision.az xəbər verir ki, bunu jurnalistlərə açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı Azərbaycanda din xadimlərinin təqib olunması ilə bağlı ABŞ-da təqdim olunan hesabata münasibət bildirərkən deyib.

Komitə sədri bildirib ki, orada yanlışlığa yol verilib. "ABŞ-da olduğumuz müddətdə biz bu məsələləri müzakirə etdik. ABŞ-ın Azərbaycandakı səfirliyində də məsələ müzakirə olunub. 2-3 il əvvəl olan faktı götürüb, bugünkü kimi yazıblar. Şəxs cinayət məsuliyyətinə cəlb edilib, məhkəmə hökmü ilə cəzalandırılıb. Həmin şəxslər Cinayət Məcələsindəki bu və ya digər maddələri pozduğuna görə həbs olunub. Bunun dini etiqad azadlığı və ya dini fəaliyyətlə əlaqəsi yoxdur".

M. Qurbanlı deyib ki, hazırda İŞİD-in fəaliyyəti tam şəkildə sönmək üzrədir. "Həmin təşkilat süqutunu yaşayır. Təəssüf ki, Azərbaycandan ora qoşulan olub. Qayıdanlar da cəzalandırılıb. Əgər gələcəkdə başqa yerlərə gedib, ölkəyə qayıdanlar olarsa, onlar barəsində də müvafiq qanunvericilik çərçivəsində işlər görüləcək".

Komitə sdəri qeyd edib ki, son dövlər Azərbaycandan İŞİD-ə qoşulanlar qeydə alınmayıb.

Aytən Zəhra
AzVision.az

Teqlər: