Saatlıdakı kütləvi zəhərlənmənin ilkin səbəbi açıqlandı
AzVision.az xəbər verir ki, bunu Qida Təhlükəsizliyi Agentliyinin sədri Qoşqar Təhməzli jurnalistlərə açıqlamasında deyib.
"Saatlıda pambıq tarlasında baş verən zəhərlənmə bilavasitə ölkə başçısının nəzarəti altındadır. Dünən ilkin məruzələr ölkə rəhbərliyinə olunub və müvafiq tapşırıqlar verilib. Qida təhlükəsizliyinin ekspertlərinin iştirakı və digər qurumların əməkdaşları olmaq şərti ilə Saatlıda həm tarlada, həm də kimyəvi maddələrin saxlandığı anbarlarda ekspertizalar həyata keçirilib. Həmçinin xəstələrdən götürülmüş nümunələr ekspertiza olunub.
Xəstəxanalara yerləşdirilən xəstələrin bir qisminin vəziyyəti qənaətbəxşdir, bir qismi artıq evə buraxılıb. Ekspertizanın cavabları məlum olan kimi dərhal ictimaiyyətə həm Baş Prokurorluq, həm də Qida Təhlükəsizliyi Agentliyi tərəfindən məlumat veriləcək. Ekspertizaların ilkin rəyinə əsasən, zəhərlənmə mənşəyi qida məhsulu deyil".
Q Təhməzli qeyd edib ki, ilkin rəyə əsasən, zəhərlənmə pambıq tarlasında istifadə olunan herbisitlər nəticəsində baş verib.
Aytən Zəhra
AzVision.az
Teqlər: Saatlı Zəhərlənmə Qoşqar-Təhməzov