Oqtay Əsədovdan deputatların təklifinə etiraz
“Uzun müddət “Təhsil haqqında” qanun qəbul olunmayıb. Nəhayət qanun qəbul edildi. İndi də deyirlər, qanunun yenidən işlənməlidir. Belə olmaz axı... Qanun olmazsa, nəyə dəyişiklik edəcəksiniz? Hər şeyi yenidən işləmək olmur axı. Onda gəlin Cinayət Məcəlləsini və digər məcəllələri də yenidən hazırlayaq...”
O.Əsədov deyib ki, qəbul olunan qanun çərçivə qanunudur: “Biri deyir məktəbə telefonla gəlirlər, ona qanun çıxarmalıyıq. Başqa biri deyir çantası ağırdır ona qanun çıxaraq. İcra strukturları, nazirliklər var bu onların işidir. Özləri öz fəaliyyətlərini qursunlar. Bunlar qanunla tənzimlənə bilməz. Biz çərçivə qanunu qəbul etmişik. Onun əsasında aidiyyatı orqanlar öz işlərini qurub, fəaliyyət göstərməlidirlər”.
Elvin Abdulqədirov
AzVision.az