"Azərbaycanda məzhəb ayrı-seçkiliyi yoxdur" - Şeyx
AzVision.az xəbər verir ki, bunu Qafqaz Müsəlmanları İdarəsinin (QMİ) sədri şeyxülislam Allahşükür Paşazadə iyunun 15-də Təzəpir məscidində Ramazan bayramı namazından sonra deyib.
Şeyx bildirib ki, müstəqil Azərbaycan dövləti xalqımızın böyük nemətidir: "Biz çox çətinliklər görmüşük, alimlərimiz repressiyalar ilə üzləşiblər, kitablarımız yandırılıb, ancaq bu gün "Quran" artıq açıq şəkildə çap olunur, məscidlər tikilir. SSRİ dövründə 17 məscid olduğu halda, Azərbaycanda bu gün 2 mindən çox məscid var. Bundan əlavə, ölkədə sinaqoqlar, kilsələr fəaliyyət göstərir. Dövlət tərəfindən dindarların sərbəst şəkildə ibadət etmələri üçün hər cür şərait yaradılıb".
AzVision.az