Azərbaycanda rektor vəfat edib

  19 İyun 2018    Oxunub : 2214
Azərbaycanda rektor vəfat edib
Naxçıvan Müəllimlər İnstitunun rektoru, pedaqogika üzrə elmlər doktoru, Əməkdar elm xadimi Oruc Həsənli iyunun 18-də uzun sürən xəstəlikdən sonra vəfat edib.AzVision.az-ın məlumatına görə, 1950-ci il avqustun 15-də Şərur rayonunun Ələkli kəndində anadan olan Oruc Həsənli ölkəmizdə pedaqoji kadrların hazırlanmasında mühüm xidmətlər göstərib.
AMEA-nın müxbir üzvü olan professor O.Həsənli 200-dən artıq elmi əsər, kitab və monoqrafiyanın müəllifi kimi də tanınır.

2010-cu ildən Naxçıvan Müəllimlər İnstitutunun rektoru vəzifəsində çalışan alim həm də Naxçıvan Muxtar Respublikası Ali Məclisinin deputatı, Naxçıvan Muxtar Respublikası Ali Məclisinin Sədri yanında Bilik Fondunun Himayəçilik Şurasının üzvü idi.

Oruc Həsənli Azərbaycan Respublikası Prezidentinin 3 oktyabr 2007-ci il tarixli Sərəncamı ilə Azərbaycan Respublikasının “Tərəqqi” medalı ilə təltif olunmuşdu.

Allah rəhmət eləsin!

AzVision.az

Teqlər: Naxçıvan   Rektor   Deputat