Tərtərdə evdən 7 minlik qızıl oğurlanıb

  20 İyun 2018    Oxunub : 449
Tərtərdə evdən 7 minlik qızıl oğurlanıb
İyun ayının 1-də Tərtər rayon sakini olan bir nəfər RPŞ-yə ərizə ilə müraciət edərək yaşadığı evdən ona məxsus qızıl-zinət əşyalarının oğurlandığı barədə məlumat verib.
DİN Mətbuat Xidmətinin Bərdə regional qrupundan AzVision.az-a verilən məlumata görə, polis əməkdaşları hadisə yerinə baxış keçirib, 7000 manat dəyərində qızıl-zinət əşyalarının oğurlandığı müəyyən edilib. Faktla bağlı təxirəsalınmaz əməliyyat-axtarış tədbirlərinə başlanılıb.

Davam etdirilən araşdırmalarla oğurluğu törətməkdə şübhəli bilinən Tərtər rayon Bəyimsarov kənd sakini Heydər İsmayılov saxlanılaraq istintiqa cəlb olunub. Dindirilmə zamanı o törətdiyi cinayət əməlini etiraf edib. Oğurlanmış qızıl-zinət əşyaları maddi sübut kimi götürülüb. Faktla bağlı Tərtər RPŞ-də araşdırmalar davam etdirilir.

AzVision.az

Teqlər: DİN   Bərdə