Ermənilər 15 gündə atəşkəsi 1265 dəfə pozub

  15 Avqust 2018    Oxunub : 358
Ermənilər 15 gündə atəşkəsi 1265 dəfə pozub
Ermənistan silahlı qüvvələri avqust ayının 15 günündə atəşkəs rejimini 1265 dəfə pozub.
AzVision.az Azərbaycan Müdafiə Nazirliyinin təsdiq etdiyi məlumatlara əsasən bildirir ki, erməni silahlı bölmələri cəbhənin müxtəlif istiqamətlərində snayper tüfənglərindən, iriçaplı pulemyotlardan və 60 millimetrlik minaatanlardan da (2 mərmi) istifadə etməklə Azərbaycan Ordusunun mövqelərini atəşə tutublar.

Bu müddətdə Ermənistan Respublikası İcevan rayonunun Berkaber, Paravakar kəndlərində yerləşən mövqelərdən Ağstafa rayonunun Köhnəqışlaq, Qazax rayonunun Quşçu Ayrım kəndində, Berd rayonunun Mosesqex kəndində yerləşən mövqelərdən Tovuz rayonunun Ağdam kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Göyəli kəndində yerləşən mövqelərimiz atəşə tutulub.

Ağdam rayonunun işğal altında olan Nəmirli, Şuraabad, Tağıbəyli, Şıxlar, Baş Qərvənd, Novruzlu, Mərzili, Xocavənd rayonunun Kuropatkino, Füzuli rayonunun Aşağı Veysəlli, Qobu Dilağarda, Qərvənd, Kürdlər, Horadiz, Cəbrayıl rayonunun Nüzgar və Mehdili kəndləri yaxınlığında, həmçinin Göygöl, Goranboy, Tərtər, XocavəndFüzuli rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.

Anar Kəlbiyev
AzVision.az

Teqlər: Atəşkəs   Cəbhə   Düşmən