Generalların iştirakı ilə seminar keçirilib
Müdafiə nazirinin şəxsi heyət üzrə müavini-Şəxsi Heyət Baş İdarəsinin rəisi general-leytenant Kərim Vəliyev seminarda çıxış edərək qeyd edib ki, tərbiyə işinin təşkilində hərbi qulluqçuların kateqoriyalarına görə fərdi tərbiyə işinin xüsusiyyətlərinə ciddi diqqət yetirilməlidir.
General-leytenant K.Vəliyev bildirib ki, tərbiyə işi şəxsiyyətin, eyni zamanda əsgərin hərbi kollektivdə şəxsiyyət kimi formalaşması və inkişafı üzrə həyata keçirilən məqsədyönlü, sistemli bir fəaliyyətdir. Nazir müavini qarşıda duran tapşırıqları bir daha diqqətə çatdırıb, şəxsi heyətlə iş üzrə komandir müavinləri və hərbi psixoloqlara tövsiyələr verib.
Dini qurumlarla iş üzrə Dövlət Komitəsinin nümayəndəsi Ceyhun Əliyev, Bakı İslam Universitetinin əməkdaşı ilahiyyatçı Hacı Təyyar Hüseynli çıxışlarında fərdi xüsusiyyətlərin və gənclərin vətəndaş kimi formalaşmasında islami dəyərlərin rolundan danışıblar.
Seminarda çıxış edən müxtəlif kateqoriyalı zabit və mütəxəssislər tərbiyə işinin təşkili, həmçinin fərdi xüsusiyyətlərin aşkarlanmasında və sistemləşdirilməsində psixoloji testlərin əhəmiyyətindən, keçirilmə mexanizm və metodlarından danışıblar.
Gəncə Zabitlər Evinin mövzu ilə bağlı hazırladığı videoçarx seminarda nümayiş etdirilib.
AzVision.az
Teqlər: