Meriya yeni konteynerlər alır

Meriya yeni konteynerlər alır
  27 Avqust 2018    Oxunub:2725
Son vaxtlarda paytaxt Bakı şəhərində təmizlik və abadlıq işlərinin aparılmasında müsbət dəyişikliklər müşahidə olunur. Belə ki, şəhərin mərkəzində aparılan işlərlə yanaşı şəhərətrafı qəsəbə və yaşayış məntəqələrində də bu işlərə xüsusi diqqət yetirilir.
Bakı Şəhər İcra Hakimiyyətindən (BŞİH) AzVision.az-a verilən məlumata görə, şəhərdə həyət və məhəllərin əsaslı təmirləri, yeni Abad həyət və məhəllələrin yaradılması, burada sakinlərin istirahətinin təmin olunması ilə bağlı işlər davam edir ki, bu da öz növbəsində vətəndaşlar tərəfindən çox müsbət qarşılanır. Şəhərdə aparılan müşahıdələr həqiqətən də məişət tullantıları, xüsusilə də tozun azalmasını göstərir. Bu işlər şəhərətrafı qəsəbələrdə də öz əksini tapıb.

Belə ki, bu işlər ölkə başçısının tapşırıqlarına əsasən Bakı Şəhər İcra Hakimiyyəti tərəfindən hazırlanmış kompleks tədbirlər planına uyğun aparılır. Ilk nöbbədə əvvəllər az diqqət yetirilən Bakı ətrafı qəsəbələrdə və yaşayış sahələrindəki çoxmənzilli binaların fasadlarının, giriş hissələrinin əsaslı təmiri, ümumi təmizlik işlərinə olan diqqətin artırılmasını qeyd etmək lazımdır.

Qeyd olunub ki, bu gün tullantıların daşınması və ilk növbədə zibil konteynerlərinin az olması ilə bağlı bir sıra problemlər mövcuddur: "Artıq yeni konteynerlər sifariş verilib və onların sayının artırılması ilə bağlı işlər görülür. Lakin bu müvəqqəti haldır, çünki yaxın vaxtlarda paytaxtda məişət tullantılarının daşınması sahəsində köklü dəyişikliklərin aparılması nəzərdə tutulub. Buraya tullantıların çeşidlənməsi məqsədi ilə yeni xüsusi konteynerlər qoyulması da daxildir. Layihənin həyata keçirilməsi və xaricı ölkələrin təcrübəsindən yararlanmaq məqsədi ilə xarıcdən mütəxəsislər dəvət olunub və hazırda işlər aparılır. Aparılan tədbirlər paytaxtın simasının köklü surətdə dəyişməsi, sakinlərimizin sosial-məişət şəraitinin daha da yaxşılaşdırılmasına yönəldilib, gələcəkdə bu işlər daha da genişləndiriləcəkdir".

AzVision.az


Teqlər: BŞİH  





Xəbər lenti