Aşura QMİ-nin fətvası əsasında keçirilməlidir
Tədbirdə bildirilib ki, əhalinin 96 faizi müsəlman olan respublikamızda iki mindən çox məscid var və İslami dəyərlər dövlətin hər zaman təminatı altındadır. Din dövlətdən ayrı olsa da, dövlətimiz daim dinə, dini ibadət yerlərinə - məscidlərə, ziyarətgahlara xüsusi diqqət yetirir, yeni məscidlər tikilir, bərpa və təmir olunur.
Bildirilib ki, Azərbaycanda dini məsələlər qanunlarla tənzimlənir. Qanunla qeydiyyatdan keçən bütün dini icmaların fəaliyyəti üçün şərait yaradılıb. Ölkədə tolerantlıq mühiti mövcuddur və bütün dinlərə eyni münasibətlə yanaşılır. Tədbirdə o da vurğulanıb ki, Məhərrəm ayında keçirilən bütün tədbirlər, o cümlədən Aşura mərasimləri yalnız Qafqa Müsəlmanları İdarəsinin fətvası əsasında keçirilməlidir, vətəndaşlarımız qanundankənar hərəkətlərə yol verməməli, bütün tədbirlər məscidlərin içərisində olmalı, kənar atributlar məscidlərə gətirilməməlidir.
Çıxış edən din xadimləri dövlətin dinə və dindarlara qayğısını yüksək qiymətləndiriblər və buna görə Prezident İlham Əliyevə təşəkkürlərini bildiriblər. Seminar-müşavirənin sonunda tədbir iştirakçılarını maraqlandıran suallar cavablandırılıb.
AzVision.az